| प्रतिष्ठानको लागि गुणस्तरीयता भनेको उत्कृष्टता, सृजनशीलता र नवीनताको योग हो । नीति अनुसन्धान प्रतिष्ठानको यो मूल मान्यता प्रतिष्ठानका कर्मचारी तथा शोधकर्ताहरूले तयार गरेका शोधकार्यहरू एवम् प्रतिष्ठान आफैँले तयार पारेका सामाग्रीहरू र प्रदान गरेका सेवाहरूमा प्रतिबिम्बित हुनेछ । |
|
विविधताले फरक सिद्धान्त, ज्ञान, अनुभव, संस्कृति, जातीयता, लिङ्ग, धर्म र शारीरिक क्षमतालाई सम्मान प्रदान गर्छ र समावेशी कार्य वातावरणलाई जनाउँदछ । यो मूल्यलाई नीति अनुसन्धान प्रतिष्ठान इमानदारिताका साथ योग्यतामा आधारित प्रणालीमार्फत लागू गर्न प्रयत्नशील रहने छ । |
|
नीति अनुसन्धान प्रतिष्ठानलाई सत्यनिष्ठाले आपसी सम्मान र सहयोग, इमानदारिता र सत्यता जस्ता आधारभूत नैतिक सिद्धान्तहरूप्रति प्रतिबद्ध गराउँदछ । व्यावसायिकता, समूहगत कार्य, द्वन्द्व व्यवस्थापन, कृपावाद तथा स्वार्थको टकरावलाई रोक्ने कुराहरू निष्ठाका सीमा भित्रै रहने छन् जसलाई नीति अनुसन्धान प्रतिष्ठानले दृढतापूर्वक पालना गर्नेछ । |
| कुनै सामग्री, विचार र विषयवस्तुलाई प्रमाणहरूको कसीमा राखेर आलोचनात्मक ढङ्गले हेर्ने संस्कृतिको निर्माण गरी वस्तुपरकता सुनिश्चित गरिने छ । व्यक्तिगत पूर्वाग्रह तथा भावनात्मक अनुभूतिलाई कुनै स्थान दिइने छैन । |
|
नीति अनुसन्धान प्रतिष्ठानका क्रियाकलापहरू पारदर्शी हुनेछन् । यसले आफ्ना कामहरू र तिनका नतिजाहरूबारे आम जनतालाई सुसूचित गराउने छ र नीति अनुसन्धान प्रतिष्ठानसम्बन्धी उपयोगी सूचना खोज्न र प्राप्त गर्न प्रोत्साहित गर्नेछ । |
|
नीति अनुसन्धान प्रतिष्ठानका कार्यलाई विभिन्न उपाय र विचारहरूमार्फत थप गहन बनाउन सम्बन्धित सरोकारवालाहरूको सहभागितालाई निरन्तर रूपमा बढाइने छ । जतिसक्दो धेरै क्षेत्रका सुझाव सङ्कलन गर्न बहुसरोकारवालाहरूको सहभागिता आवश्यक पर्दछ । यसले नीति अनुसन्धान प्रतिष्ठानलाई अनुसन्धान अध्ययनमा रहेका कुनै पनि विषयवस्तु वा मुद्दाको बारेमा पूर्ण जानकारी लिन सघाउँछ । |
